Huamārama

Description

Title:  Huamārama

Authors:  Shirley Simmonds, Te Atawhai Kumar, Te Kawa Robb

Description:  He Pukapuka, Book

He Kaupapa Mauri Ora ā Whānau

He uri koe nō Tuawhakarere.  He tupuna koe mō anamata.

He kohinga kai, he kohinga kōrero a Huamārama e whakatairanga ana i te rangatiratanga i roto i te kāinga, i roto i te whānau.  He rauemi hoki hei whakanui i te pitomata o te whenua, o te tangata kia manaaki i tō tātou ao.  Mehemea e hiahia ana ki te whāngai i te whānau ki ngā hua ō nuku, anei a Huamārama e whakaoho ana i tō tātou iho pūmanawa e rangatira ai te tiaki me te manaaki i tēnei ao tūroa, otirā i a tātou katoa.

Te Atawhai

“Ko te māra a Rongo, a Tangaroa tāku tūrangahākoa; he mahi mauri ara, he tūhonohono i te ngākau ki a Papatūanuku me te ngao o te taiao.  Anei he rourou kai hei hāpain i ngā mahi rangatira ā whānau.”

Shirley

“Kāore he mahi tua atu i te mahinga kai ki ahau.  Ko te mahi māra te mahi a Rongo, ko te taiao te puna oranga, ā, kei reira taku mauri ora.  Kei roto i tēnei pukapuka he kohinga whakaaro hei tautoko i te whānau ki te mahi māra, ki te mahi kai, ki te mahi auaha.”

Te Kawa

“He rourou tēnei hei āwhina i ngā whānau kia tūhono ki taiao kia toitū te tangata.  E tūmanakohia ana he taonga a Huamārama hei whāngai i te kete mātauranga i roto i tō whānau.”

Materials:  Softcover

Nama:  ISBN 9780473562045